11 things that annoy me the most

1. ინგლისური სათაურები, როდესაც მშობლიურ ენას გადასარევად ვფლობთ…

განა მართლა. ინგლისურ ენას თავად ხშირად ვიყენებ ყოველდღიურ მეტყველებაში.
უბრალოდ, ხანდახან ინგლისურად უფრო ლაკონურად შეიძლება საჭირო აზრის გამოთქმა და იმიტომ.
და, ხანდახან ყოველგვარი კონკრეტული მიზეზის გარეშე: Just ენაზე მოგადგება სასურველი სიტყვა. ზედმეტი ფიქრი რა საჭიროა…
მაგრამ, ეს პოსტი ჩემი ყოველდღიური დიალოგების კონსისტენციაზე სულაც არაა. ეს პოსტი იმ წვრილმან რაღაცებზეა, ყოველდღიურ ცხოვრებას რომ ხანდახან კოშმარად გიქცევენ და ხანდახან რომ, სრულიადაც ფეხებზე გკიდია… მაშ ასე:

1.არეულ-აბურდულ კარადაში რაღაცის შეტენვას რომ ცდილობ და უკან რომ ვარდება და კიდევ და კიდევ რომ ცდილობ და ვერაფრით ახერხებ იქამდე, სანამ იძულებული არ გახდები, დრო დახარჯო და ადგილი სერიოზულად გამოათავისუფლო;
2. სადარბაზოში რაღაც აი, ჩამყაყებული სუნი რომ დგას – მგონი, აქ კომენტარი ზედმეტია;
3. ბოსტნეულს რომ ყიდულობ და გამყიდველი რომ გეუბნება, “თავად ჩაყარო” და რომ ყრი და გულს ასკდები, რომ: ა) გამბედაობა არ გყოფნის მოსთხოვო, თავად ჩაყაროს… ბ) ეს ბოსტნეული ცივი/ჭუჭყიანი და God forbid, ცოტა სველია;
4. ლიფტს რომ ელოდები წარმოუდგენლად ხანგრძლივი 2 წუთის განმავლობაში;
აქვე: ლიფტში რომ შედიხარ და ჟანგბადის ყოველი მოლეკულა გაჟღენთილია სიგარეტის/ალკოჰოლის/მსუქანი ბებერი კაცის ამონასუნქით;
5. ადამიანები, რომელთაც სხეულზე შესამჩნევად სპეციფიკური სუნი აქვთ – მათთვის, ვისაც უნდა აღნიშნოს, რომ ” ჩვენ ყველას გვაქვს დამახასიათებელი სუნი”, მივუთითებ სიტყვაზე: სპეციფიკური, და მათთვის, ვინც შენიშნავს, რომ ასეთი სუნი ავაფმყოფობას შეიძლება ნიშნავდეს, მივუგებ, რომ ამ პოსტის ტოპიკი ჩემი ცუდი, ცუდი პიროვნების განსჯა სულაც არ არის;
6. ადამიანები, რომლებიც მესაუბრებიან და საუბრის დროს, სახეში მიმთქნარებენ. აქვე გადის, როცა სახეში გაცემინებენ და მომლოდინედ შემოგცქერიან, ჯანმრთელობას როდის უსურვებ;
7. გონებას მიმღვრევს, როცა ახლოს მყოფი ადამიანი ცხვირს ასრუტუნებს – Just blow that goddamn nose and get over it already!!
8. გადასაწმენდი და პურის ნამცეცებიანი მაგიდა;
9. მიფუჩეჩებული დავალებები/მიფუჩეჩებულად დალაგებული სახლი/მიფუჩეჩებული ურთიერთობები, ზოგადად, მიფუჩეჩებული ცხოვრება;
10. როდესაც ადამიანები, რომლებზეც გული შეგტკივა, over and over უშვებენ ერთსა და იმავე შეცდომებს;
11. როდესაც უცნობ ადამიანთან კონტაქტში ცდილობ შესვლას და he/she is too cool about it.

P.S. ზემოხსენებული სიის ჩამოთვლისას რომ გავხურდი, მეგობარს ვკითხე, თავად ყველაზე მეტად რა უშლიდა ხელს ყოველდღიურ ბედნიერებაში.
“საშინლად მძულს, როცა ჭამის დროს თითებს ილოკავ ხოლმე” – აღნიშნა მან და გამძვინვარებულ სახეში უტიფრად შემომაჩერდა…

Advertisements

Tagged: , , , , ,

5 thoughts on “11 things that annoy me the most

  1. LiLaC March 16, 2014 at 12:39 PM Reply

    ხშირად, ხშირად, ხშირად წერე :))

  2. Sophie SUNNY Golden March 19, 2014 at 12:43 AM Reply

    Lol pirvel punqts, seriozulad, ramdenjer gavucofebivar, rom icodet 😀

    Sakaifo rameebi giweria. Martla zogjer gijdebi msgavs ambebze da zogjer kidev – giziandebi.

    Glad to see/read you back 🙂

    • Sophie SUNNY Golden March 19, 2014 at 12:44 AM Reply

      Giziandebis magivraf unda iyos fexebze gkidia 😀 pardon me.

    • geoblonde March 20, 2014 at 5:34 AM Reply

      მადლობა სოფი 🙂 ჩემკენაც არის ისეთი სიახლე, შენთვის რომ მეორეა და ჩემთვის _ ძალიან პირველი 🙂 გილოცავ, გამეხარდა ძალიან და ოპტიმიზმით ამავსე, იმიტომ რომ მე ისე ადვილად ვერ ვეგუები ამ ამბავს, როგორც შენ 🙂

      • Sophie SUNNY Golden March 24, 2014 at 9:17 PM Reply

        ♥♥♥♥♥
        Ra kargia! Ise gamixarda, titqos gicnobde da chemi axlobeli iyo.
        Ai naxe rogor miechvevi da mogewoneba yvelaferi.
        Janmrtelobas da energias gisurveb!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: